Ale Eih Biyess'alouni - Warda قــال إيـه بيسألونــي - الكويت ١٩٨١

مطربة الأجيال وردة -
أغنية : قـــال إيــه بيسألــوني - حفل الكويت ١٩٨١
كلمات الشاعر الغنائي عبد الوهاب محمد - الموسيقار الشيخ سيد مكاوي
الفرقة الماسية بقيادة الموسيقار أحمد فؤاد حسن
---------------
WARDA - Ale Eih Beyess'alouni
Lyrics : Abdelwahab Mohamed - Music : Sayed Mekkaoui
-------
قال ايه بيسالوني عنك يا نور عيوني
معقول اكون بحبك اكتر من نفسي ليه
حقيقي حيروني في الرد وغلبوني
عندي الاسباب كتيره وحقول ايه وللا ايه

حبك مفرحني فرح الطير بطيرانه
قربك مريحني راحة الروض لأغصانه
عطفك ساقيني الحنان كله بألوانه
ودك مهنينى قربك مخلينى
انسان لقى نفسه فيك من بعد توهانه

وبيسألوني قال ... ودي محتاجة لسؤال
إنت الأمل والمنى والدنيا والأحلام
وأنا من رضاك ببتسم للغيب وللأيام
ويوم لقاك بلتقي كل الجود بسام
ومن نعيم والهنا بشعر معاك إني أنا
ضمنت بيك السعادة للحياه قدام

عجب العجب من بشر بتكذب الأحباب
وبتحسب إن العواطف تتحسب بحساب عجبي
ده الحب يااهل العقول ممكن يكون مقبول
فوق الإرادة وفوق العقل والمعقول
شيء من قديم الأزل والوقت نوا على طول
هو السؤال اللي ماحدش عرف له جوااااب

إزاي بيسألوني إذا كان يانور عيوني
أجمل ماعشت في حياتي بروحي وبكياني
أيام رضاك اللي هم بعمري وبزماني
حظي معاهم علي بيا وخلاني
أعيش في عالم بديع واتمنى وانا في الربيع
أرجع بعمري واحبك من جديد تاني تاني
-------