Malek ḥud ( Malek Houd), Iles

Asmi yaɣriɣ asefru-yagi n Dda Malek Houd , iɛeǧb-iyi ufiɣ deg-s anamek lqayen, ufiɣ deg-s daɣen imeslayen d imaynuten, warǧin iten ssineɣ, am :

*Azeqqur : Aqejmur
*Ekri ( Ikerri ) = Retrecir, aceṭṭiḍ mi ara yirid ikerri / yettuɣal.
Imi nudeɣ si tama-w, ufiɣ-d ameslay-agi yesɛa anamek nniḍen,
Ekri ( ikerri / yettwakray - akray ) // Être malingre, de petite Taille pour son âge.
.Yekri, d acaraf, kan akka is d-cfiɣ ( Il est tout petit et pourtant il est âgé, je l'ai toujours connu ainsi.)

*Tikal, isem ikil, d ayefki i yettikilen yettuɣal yejmed.

Sarameɣ kan as taɛǧeb i netta.

AD YUGHAL /YEKRI
Yettuγaḍ yiles deg yimi
Yeqqim yeṭṭili
Ur yezmir ad d-yin’ awal
Deffir wuglan yedduri
Yerra-tt i tguni
Ayen yeffer d izumal
Imetman ḥaca nutni
Aksum -is yelwi
Yeγli d amγar ur yuklal

Ay acedluḥ azeggaγ
Yiggas ad ak seggeγ
Ad k- degreγ i wuccanen
Lbaṭel mi ara t-ẓreγ
M-ara ɛerḍeγ ad d-neṭqeγ
Tεuggneḍ fukken imeslayen
Teẓriḍ diri ma ssusmeγ
Tebγiḍ ad qebleγ
Amrar s amgerḍ n watmaten .

Aḥeq iles yettwakeblen
D wallaγ yiraden
D tamdelt f uẓekka ard tekkes
Ad nẓer at laxert yeddren
Aglim f iγessan
Ifassen refden iles
Aten aya ulin-d d asawen
Agdud ad t-muqlen
Walan-t d azeqqur ires.

Zerriεa-s teγli ar wakal
Issemγi ard d-ilal
Iles-is ur ikerri ad yiγzif
G tfeqlujt tagmat tikal
Ar lḥeqq tmal
Teggul ad tekkes aγilif
Ass ad d-igrin d amellal
Ad ifak ccwal
Iles ad s-d-yuγal nnif .