Policia e Vlorës ka arrestuar tre persona, mes tyre edhe një 14- vjeçar, pasi ka arritur të dokumentojë dhjetëra sende të cilët ata i kishin vjedhur.
Sipas asaj që bën me dije Policia e Vlorës në pranga ka rënë Arnold Tosku, 18- vjeç, Eraldi Hamzallari, 30 vjeç dhe 14- vjeçari Xh.H.

Të tre të arrestuarit janë banues në qytetin e Vlorës. Nga burime zyrtare nga blutë e Vlorës mësohet se këta persona në bashkëpunim me njëri-tjetrin vidhnin sende të ndryshme hidraulike e elektrike, dhe i shisnin ato në treg me qëllim përfitimi vlerash monetare.